Category: Allgemein, Bruddaaler Stuttgart Pedelec Blog

I han a kloine Pause eiglegt en meim bruddaala Stuttgart Pedelec Blog.

Momentan han I au uffghört Tage zu zähla aber I ben jetzt 1500 km gfahra. Pro Tag zur Arbeit han I so 40 km (hin und zrück) des müsstet also so 30-35 Tage sei die I zom Gschäfft pendelect ben. Des Wort han I grad erfonda… haha.

Mei Pause rührt daher dass I mein Sommer Urlaub plana musst ond danach au tatsächlich em Urlaub war: Wanderung uffm “kungsleden” (Königspfad) en Nordschweden von Abisko bis nach Nikkaloukta.

Wer des au amol macha will kann sich em Link dahanna Informiera bei d’r schwedischen Tourist Vereinigung. Mr kann da von Hütte zu Hütte wandern wie uff dem Bild. Kebnekaise isch Schwedens höchster Berg mit ca. 2100 m.

Karte KungsledenDes war echt en Erläbnis. So sah des aus:

Mir sen 130 km gwandert, hen em Zelt g’schlofa ond jeden Tag Astronauten Essa gässa! Ond Handy/Internet hot oi Woch lang ned doh… herrlich!

Danach ben I glei wieder uffn Sattel ond ben wieder fleissig mit meim Pedelec von Degerloch nach Woiblinga pendelt. Grad jetzt wo des Wedder so schee isch, isch des wie Urlaub.

 

Ganz wichtig am 3.8. isch wieder Critical Mass en Stuttgart. Los gahts am Feuersee om 18:30! Oifach mitfahra!

Critical Mass 3.8.18 Stuttgart