Menu

Bruddaaler Stuttgart Pedelec Blog

Om was gahts en meim Stuttgart Pedelec Blog?

Ab 12.04.2018 will I jeden Tag mit meim Pedelec (Specialized Vado Turbo 4.0 / Test von Elektrobike Online) von Stuttgart Degerloch nach Waiblingen pendla. Dahanna schreib I meine Erfahrungen uff und teil des d’r Welt mit also so a Art bruddaaler Stuttgart Pedelec Blog.

Was isch mei Ziel?

Mei Hauptziel isch natürlich weniger Auto zu fahra, was für mei Fitness zom doh ond morgens frische Luft zu kriega!

Mei selbscht gestecktes Ziel für 2018 sen erscht amol 120 Tage zom Gschäfft. Oin Weg sen ca. 18 km, also 36 km am Tag. Onder d’r Woch 180 km. Insgesamt über 4000 km. Da I sonscht ned soviel Rad g’fahra ben bis jetzt, außer mit meim Bonanzarädle dem Raleigh Chopper (siehe Number One Video), isch des für mi a bruddaale Umstellung. Aber I seh des Rad als echte Alternative zu Auto, Bahn etc. Für mi isch des a reines Transportmittel zom Gschäfft ond zrück!

Warum Pedelec ond koi normales Fahrrad?

Hallo I wohn en Stuttgart!?! 🙂

Da I em Gschäfft ned Duscha kann, onds bruddaal d’r Buckel nuff gaht (zum Beispiel die Alte Weinsteige mit ca 120 Höhameter uff 2 km) ond I koin Bock han verschwitzt bei d’r Arbeit anzomkomma, han I mi für a Pedelec entschieda. Da gibts ja emmer viele Diskussiona ob des real isch oder ned. Fakt isch, des macht mir persönlich oifach mehr Spaß ond I fahr zum Gschäfft ond ned a Freizeit Tour um mi fit zom halta. Für Sport gang I jogga. Außerdem will I ned wie a Möchtegern Jan Ullrich Sport Klamodda anzieha… I will ganz normale Kleidung fürs Gschäfft anzieha.

Sodele. Des wars dahanna erscht amol.

Grüßle MC Bruddaal

PS.

  1. Oimal em Monat isch Critical Mass en Stuttgart – Wenn I’s zeitlich nach d’r Arbeit schaff, fahr I da mit meim Bonanza Rad mit.