Category: Allgemein, Bruddaaler Stuttgart Pedelec Blog

I fahr emmer des oberschte Stück von dr Neue Weinsteige nonder ond bieg dann ab uff die alte Weinsteige…

Heut han I oin gsäha der die Neue Weinsteige komplett nonder fährt, des sieht für mich nach Selbschtmordkommando aus. Des dät I uff koin Fall macha.

Was mir au uffgfalla isch: S’fahret ganz schön viele mit S-Pedelecs durch’d Gegend ond vor ällem uffm Radweg. Damit wär I glaub mega schnell en Woiblinga. Was manchmal a bissle nervt isch, wemmer über 25 km/h uff dr Ebene fährt, da isch des wie so a Wand weil des Rad ganz schee schwer isch, so 23-24 kg.

I han mir jetzt amol a hohes Ziel g’steckt: I will 120 Tage schaffa. Des wäret bei mir ca.4200 km. Des wär echt bruddaal

Tag 004 23.04.2018

A-B: 45:00

B-A: 60:00 – aber I han en Bekannta troffa ond noh ewig quatscht.

Oh und uffm Hoimweg ben I fascht mit em Auto kollidiert weil I wo dazwischa flitza wollt. Die Autos blockieret sich voll oft selbscht ond da muss mr echt uffpassa.

Erkenntnis

Die Audos sen oifach em Weg!

Hier han I noh en subber Ausblick von d’r alte Weinsteige aus: