Neuer Radhelm
Category: Allgemein, Bruddaaler Stuttgart Pedelec Blog
Vorsicht, d’r folgende Beitrag könnt Werbung enthalta!

Neues Pedelec

Nachdem mei Pedelec an d’r Motoraufhängung brocha isch, han I a ganz neues kriegt wo die Stelle verstärkt isch. Des hoißt I ben ca 2.500 km mit dem alta gfahra ond jetzt leg I mit dem neue los. S’Wedder isch ja au perfekt zom radla! Des fühlt sich au subber an uff em Jungfräulicha Bike!

Neues Pedelec

Specialized Vado Turbo 4.0

33 km uffm Tacho

3,3 km uffm Tacho

Neuer Radhelm von Lazer, denn Safety Firscht!

Da I bloss en BMX Helm von TSG ghett han der a bissle groß ond schwer isch han I nach em neue Radhelm gsucht der au bruddaal isch ond so ausschaut! I han des uff Twitter gfragt wo I des am beschda fend ond so ben I en Kontakt komma mit Paul Lange. Da kammer bloß als Radlada oder Wiederverkäufer eikaufa. Die hen hauptsächlich Shimano aber au ganz viele andre Marka. Onder anderem Lazer Radhelme (offizielle Website isch dahanna). I han dann lauter Radhelme teschted ond ben endlich fündig gworda:

MC Bruddaal mit Helm

MC Bruddaal mit Lazer Helm Zwoi

Lazer Helme

Lazer Helme

Wer’s genau wissa will des isch en Lazer Helm Armor Pin Black. Da han I zwoi Visiere die I mit Klipps feschtmacha kann. Bruddaal oder? Danach ben I noh en d’r Schnäpple Markt ond han eikauft ond a Runde uffm Teschtgelände dräht. Da konnt I au amol a Shimano Steps Motor teschta. Subbersach.

MC Bruddaal mit Helm

MC Bruddaal uffm Bonanza Bike

I han au a bissle verzählt warum I gern Fahrrad fahr ond wie I zu Paul Lange komma ben. Da fahr I quasi jeden Tag vorbei wenn I ens Gschäfft zom Schaffa fahr.

MC Bruddaal uff d'r Bühne

MC Bruddaal uff d’r Bühne

Critical Mass Oktober 2018

Da meine Eltern grad zu B’such gwäsa sen ond die am Freitag Abend Essa ganga hen wella… konnt I leider ned bei d’r Critical Mass mitfahra am 5.Oktober. Nachem Essa stand I dann em Stau… haha aber I woiß dass des für en guta Zweck isch also ben I gern amol em Stau g’standa! Nächschter Termin isch Freitag 2.November. Da werd I uff jeda Fall dabei sei.

Wasen Instawalk #SchwabenWalk

I ben eiglada uff en sognannta Instawalk… also I ben uff Instagram ond dann gaht m’r rom ond macht Foddos für Instagram.

Mei Profil uff Instagram (wer will oifach folga):
https://www.instagram.com/mcbruddaal/

Des hoißt I ben am Montag 8.Oktober ab 18 Uhr ca. em Festzelt Wilhelmer’s Schwabenwelt. I ben da quasi als Gascht aber mir könned gern oin Trenka zamma! Wenn Ihr au da seid… kommed vorbei zur Empore. I derf dann au die subber Schwabenzelt Stars treffa! Desch a Sach. Verfolga könned Ihr des mit folgenden Accounts ond Hashtags:

#schwabenwalk
#schwabenbraeu
#schwabenwelt
https://www.instagram.com/schwabenbraeu/
https://www.instagram.com/schwabenwelt/

Wenn Ihr da seid kommed oifach vorbei!