Menu

News

Schöne Seita – mitm Pedelec en Stuttgart

Grad wirds morgens bissle kälter ond I erläb lauter scheene Sacha.

  • Frische Waldluft
  • Schöne Aussichten über Stuttgart ond d’r Neckar
  • Zwoi Rehe gsäha em Wald vorm Fernsehturm

Hot bissle dauert bis I des für mi entdeckt han, aber lieber spät als nie.

Schatta Seita

I han mittlerweile feschtgestellt dass es in jeder Gruppierung en gewissa Antal an Deppa gibt. Subber Deppa om g’nau zom sei. Mal meeh mal weniger abber emmer sen se dah.

  • Von 100 Eskimos gibts X % Deppa!
  • Von 100 Buddhischta gibts X % Deppa!
  • Von 100 Leud endr Musikinduschtrie sen definitiv 95 % Deppa!
  • Von 100 Autofahrer gibts X % Deppa!
  • ond jetzt kommts: au von 100 Radfahrern gibts X % Deppa!

So kam’s dass I an dem Tag wo I ufflega ond was transportiera musst, ausnahmsweise mitm Auto ens Gschäfft fahra musst ond a komische Situation g’habt hab.
En d’r 30-er Zone ben I an oim Radfahrer (dessen Twitter Name I jetzt ned nenn) vorbei gfahra der mit 17 km/h d’r Berg nuff gfahra isch. I ben da selber scho zig mal überholt worda uff Rad.

Der filmt oder fotografiert mi mitm Fischauge ond schreibt dann I hätt den mit weniger als 1 m überholt ond poschted die Bilder uff Twitter.
Seitdem I soviel Fahrrad fahr ben I extrem vorsichtig bei Radfahrern, des kann I mir so ned vorstella.

Ganz em Ernscht. Falls des wirklich so schlimm war entschuldige I mi en aller Form! Aber en er 30-er Zone wo uff d’r oine Seite Autos parket dürft mr dann gar nirgends mehr an em Radfahrer vorbeifahra… Was bringt des Leut zu Fotografiera ond des em Internet zom poschta???

Hier die extrem verstörende Bilder:

Davon abgsäha be I mr sicher dass der mitm S-Pedelec onderwägs isch ohne Kennzeicha ond damit au noh durch d’r Wald fährt. Zumindescht hot der des selbscht uff Twitter gschrieba. Wenn des so isch dann halt di doch selbscht erscht an die Gesetze bevor Du mi foddografiersch ond mir Sacha vorwirfsch!

Davon abgsäha isch des 100 m parallel von em fetta Radweg en d’r Jahnstraße… dann fahr doch oifach da!

Degerloch Radweg Jahnstraße

Degerloch Radweg Jahnstraße

Critical Mass September 2018

Letzschta Freitag ben I dann bei d’r Critical Mass mitgfahra. Leider ned mitm Bonanzarad sondern mit meim Pedelec da I kaum Zeit hatte nachm schaffa. I han mi au echt beeilt zum Feuersee.

I han mi au schick g’macht mit bruddaale Sogga:

Bruddaale Sogga

Bruddaale Sogga

Dahanna sen a Paar Eindrücke:

Wer selber amol mitfahra will schaut dahanna:

https://criticalmassstuttgart.wordpress.com/

Eiladung zur Messe von Paul Lange & Co. OHG

Nachdem I grad nach em neue coola Radhelm ausschau halt, ben I eiglada worda om bei d’r Hausmesse von Paul Lange & Co. OHG Radhelma an zom schaua. Da ben I amol gspannt. I ben da mit meim Bonanzarad am Samstag 29.09. om 11 Uhr ond schau mr des amol an!

So des war’s für heut machet’s gut!