Tour zum Birkenkopf

Heut han I mei Rad g’schnappt ond ben los von Degerloch zum Birkenkopf. Oifach amol teschta wie’s läuft ond da war I noh nie.

Birkenkopf Blick uff Stuttgart

Birkenkopf Blick uff Stuttgart

Danach ben I Richtung Bärensee, des isch gar ned so weit von da oba.

Bärensee

Bärensee

Weiter gings über die Uni Vaihingen Richtung Möhringen ond die Brücke kannt I zwar, aber dass des so bruddaal cool isch war mir ned bewusst:

Unda sen die Autos ond oba hasch echt en mordsmäßiga Ausblick:

I han wieder amol g’merkt wie cool des isch Rad zu fahra. I war 1:15 onderwägs, ben 22 km gfahra ond han voll viele Plätze gsäha die I vorher gar ned kannt hab.

Was mir bisher au uffgfalla isch, isch dass des Radfahra seis aus mitm Pedelec (am Arbeitstag emmerhin 36 km) bruddaal fit hält. I ben geschtern jogga gwäsa ond war noh nie so schnell: 16 km mit em 4:48 Pace. Ziemliche schnell für mi jedenfalls.

Wollet mr hoffa dass des Wetter jetzt wieder besser wird! Machets gut ge!