Hey Leude, des isch d’r bruddaale Jahresrückblick 2017… des isch elles passiert em Ländle! I wünsch Euch was ond feiret schee!

Am 20.12.17 isch isch sogar en Artikel zu meim Jahresrückblick in d’r Stuttgarter Zeitung dazu komma: Hier gahts zum Onlineartikel!

Jahresrückblick uf Youtube:

Jahresrückblick uff Facebook:

Bruddaaler Jahresrückblick 2017 (en Textform):

I bims, MC Bruddaal Hallo
2017 schwätzt mr so
vong Style her ond au vong Niceigkeit
jeder sagt Safe jetzt weisch bescheid

uff dr Schowo en Schorndorf gabs Krawalle
Schlimmer noh als bei Freibier uff Malle
Aber Schorndorf isch ned Köln es isch Schorndorf blieba
D’Polizeimeldung war a bissle übertrieba

Bietigheim Bissinga Hand hoch wer kennts
Henter Ludwigsburg draußa an d’r Enz
D’Stadt sich zom Hip Hop Hot Spot gmausert
D’r Number One Rapper isch d’r Bausa

Ninja Warrior kam en Deutschland
ond am Ende da gabs bloß oin Mann
S’war oiner mit Muskla ond eleganz
N’ Schwob ond Stuttgarter, d’r Moritz Hans

En Weinstadt ok Beutselbach
hots endr Transporter Falle z’häufig kracht
jetzt hen die a subber Frühwarnsyschtem
für 10.000 Euro kansch ned übersehn

Air Berlin war plötzlich insolvent
Wobei des hat I mir scho halber denkt
Trotztdem an der Stell mei Beiled
Ond danke für’d Rückzahlunga an Flightright

Deutschlands höchste Aussichtsplattform
dr Thyssen Testturm en Rottweil isch enorm
Aus 232 m
Schau I jetzt emmer wie ischs wetter grad uff Kreta

Währenddessa en Fellbach beim Gewa Tower
Nach Insolvenz könned die oifach ned fertig baua
s’wär Deutschlands 3. höchstes Wohngebäude
Bloß enner Bauruine wohnet koine Leute

En Stuttgart gabs Alarm wegam Feinstaub
Außerdem semmer Weltmeischter beim Stau
73 Stunda stahsch da em Schnitt
Neba dr Mooswand… nimmsch die Schlafsack mit

Stuttgart 21 koscht Oi Milliarde
Meeh ond mir müsset noh länger warte
Für des Geld, ond des sag I ganz laut
Hätt mr lieber 800 Mio Budder Brezzla kauft

Kevin Großkreuz isch beim VfB
Nausgfloga woisch Tschüßle Ade
I hoff des hot den jetzt ned arm gmacht
der wollt uffhöra aber spielt jetzt bei Darmstadt

s’ wichtigschte isch aber mir sen uffgstiega
I sags nommel VfB isch uffgstiega!
Ond dr VfB ja den hemmer lieb
Egal wo der spielt au Champions League

Dr beschda Move hot dr Reinhold bracht
Der hot mit seiner 90 Meter Würth Yacht
En New York vor der Freiheitsstatue parkt
Weils da umsonscht isch ha gspart isch gspart

En Bretta bei Karlsruhe hot oiner dacht
Er hät en Weltkriegsbomba fund gmacht
Der hot Polizei grufa ond die hot festg’stellt
Des isch koi Bombe des isch a Zucchini Du Held

Bei Heilbronn ausra Bananakischt
Henn se über 200 Kilo (225 kg) Kokain g’fischt
Heutzutag woisch au nemme was de kriegsch
Mol Partybedarf ond mol a Spinnabiss

Seit Dezember denkt jeder wieder geil
Prohibition an dr Tanke isch vorbei
jetzt kannsch da wieder dei Schnäppsle kaufa
des wurd au Zeit I könnt echt ebbes braucha