Category:

Rückblick von Baden-Württemberg, Stuttgart, dem Ländle und alles drum herum was 2018 passiert ist.

Video ab 20.12.18 dahanna ond uff Facebook / Youtube.
Song ab 21.12.18 uff
iTunes: https://itunes.apple.com/de/album/bruddaaler-jahresr%C3%BCckblick-2018-single/1447212490
Spotify: https://open.spotify.com/album/5O8oe7QereENUuedouxAGf?si=6KADs9l6T6KPrtKlgAJjhg
GoogleMusic: https://play.google.com/store/music/album?id=Bz3wzkfmhdodjq25boql4urv2ei&tid=song-Ty4kvmv6ekyfjhqylb3it4hkvda
Amazon: https://www.amazon.de/dp/B07LG923LK/ref=cm_sw_r_tw_dp_U_x_vnkhCbB7FQZ3P

Werbung ond Links falls mi ebber onderstütza will:
Präsentiert von https://subbersach.com/

Wie han I des Videole g’macht?:
Samsung Galaxy S8 https://amzn.to/2BzfILc
Zhiyun Smooth 4 Smartphone Gimbal Handy Stabilisator https://amzn.to/2GtIuTb

Ey Leude, MC Bruddaal dahanna, ond des isch der bruddaale Jahresrückblick 2018
des isch elles passiert em Ländle woisch

2018 hot m’r d’r Dab g’macht
wer des jetzt noh macht hot si schnell zom Depp g’macht
, außerdem war da a Bollahitz
aber em Vergleich zu 2003 war des nix

des isch og’fähr so wie mit d’r Musik
, s’hot elles gleich klunga ond trotzdem wars a Hit
des muss ich sich ändra, A.S.A.P.
Antares isch scho wertvoller Als SAP

Ha ha des war en Musiker Witz
au Bada-Württaberger sen gut für die Hitz
bei de Albumcharts waret mr vorne dabei
mit Mike Singer ond Vanessa Mai

S’gab lauter Jubiläa die zähl I jetzt auf:
D’r Wasa isch 200 Johr g’worda wau
D’Schlümpfe sen scho seit 60 Johr blau
ond 100 Johr Wahlrecht en Deutschland für’d Frau

au beim VfB wurds Zeit für a Torte
der isch 125 Johr alt g’worda
Herzlicha Glückwunsch für des Jubiläum
mit Sonderausstellung em Mercedes Benz Museum

, beim “Rescht, ge” hoffet mrs beschde
dass I zufrieda wär des wär jetzt g’loga fai echt ge
, manchmal liegts halt au ned am Spieler
ond au ned am Trainer ond au ned am Zieler

A bissle Applaus bidde für d’r Mimi Kraus
der hot 18 Tor g’schossa so schauts aus
en oim Spiel, fascht d’r Rekord brocha
em andra Spiel, dann leider d’Hand brocha

D’r Ringer Frank Stäbler fährt a geiles Auto
ond jetzt Achtung, der zeigt des au noh
uff Instagram abber der kann sichs halt leischta
Glückwunsch Jonger hey zom 3. mol Weltmeischter

D’Fußball WM boah I will ned drüber reda
I hans kaum gseha da war I grad en Schweda
Für Deutschland gabs vom Heiland koin Beistand
den gabs zom Glück für oi Mannschaft en Thailand

Aus’m Ländle kommt d’r Weltbeschde Gin
GinSTR hoißt er mit locale Kräuter drin
Fernsehturm vorne druff des isch a Ding
Ha da gönn I mr glei amol en Gin Chin Chin

, D’r Boris Palmer hot d’r Schuss ned g’hört
der rennt Nachts durch Tübinga on fühlt sich g’stört
D’r Spider Schwob sorgt für Ordnung em Revier
Vom Remstal Rebell zom Geheimdienscht Offizier

Ihr brauchet da oin mit Pepp ond Power
wie wärs z.B. mitm Thomas Hornauer
der wär verfügbar ond hot königlicha Flair
oder Fridi Miller von Wer wird Millionär

OB Kuhn hingega isch wieder en Form
ond sorgt für’d VVS Tarifreform
des muss m’r jetzt au wirklich amol Loba
wenn der so weiter macht ge dann bleibet mr au oba

Bis Stuttgart 21 staht zahlt m’r mit Bit Coins
solang fahret m’r halt noh mitm X Oins
vorbei an Filtersäula ond drei Blitzer
wenigschtens hosch em X ONE emmer Platz zom sitza

, en d’r Presse war davon d’Rede
d’r mächtigschte Schwob isch bald en Schwede
D’Leut hen mi g’frogt abber noi I bens ned
Grattis Ola – det ordnar Du lätt som en plätt
[des isch schwedisch ond hoißt: Herzlicha Glückwunsch Ola, des packsch Du mit links]

I hätt abber trotzdem Ideea em Gepäck
I fahr zwar Bonanza Rad oder Pedelec
aber Wär I Mercedes Chef, ha des woisch aber
dann gäbs a Neuufflage vom 190iger

, was jetzt kommt klingt a bissle Neu reich
M Kretschmann isch sei S-Klass oifach z’kloi weisch
S500 isch für manch oin Inbegriff des Glücks
aber der hot dacht’s S staht für Sardinabüchs

, wahrscheinlich isch er deswäga omg’stiega
uff Helikopter damit kann der rom fliega
so gleitet dr MP bequem übern Stau
ond kommt pünktlich zom Wandern ha des will I au

da fällt m’r grad ei s’gab noh en Weltmeischter
der Philip Hudlmaier, der isch Welzheimer
den derfsch ned mitrer Arschbombe ablenka
der isch Weltmeischter em Onderwasser Jenga

des üb I jetzt au endr Badewann
aber I muss zugeba des macht koin Fun
d’r Turm, der hot bei mir noh nie g’hoba
die Holzklötz, die schwemmet emmer oba

En Freiberg am Neckar gabs a Sex Puppa Bordell
mr hot sich g’fragt gell isch des jetzt kriminell
ond uff wen hot des überhaupt abzielt
Ha manche hen scho früher gern mit Puppa gspielt

, D’Forscher hen ebbes neus entdeckt
dass Mikroplaschtik en onserer Scheisse steckt
en Zukunft muss bei Plaschtik d’Frog heißa
müsset mir jetzt elle en d’r gelbe Sack scheißa?

, En Lindau hot a Rentnerin g’flucht
10 Euro fürs Parka sen mehr als gnug
em soma Fall sagt mr schomal Fuck Scheiße
odder mr machts wie die, d’Schranke abreisa

, Zum Glück isch ja em BodaSee
kaum noh Wasser mr kann d’r Boda see
ond wemmer eh d’r Platz zom parka braucht
machet mr dah oifach a riesa Parkplatz draus