Link zu Youtube: https://youtu.be/3zS6hz4f5cs
Link zu Facebook: https://www.facebook.com/McBruddaal/videos/730480774022246/

A Jahr isch rum
em Ländle ond drom herum
da isch so viel passiert des war
2019 a bruddaales Jahr

2019 war d’r Dritt hoißeschte
Sommer seit Messbeginn jetzt woisch des ge
Bei soma Wedder ess I gern Eis
Mit Bada Württaberg’s Miss Germany Nadine Berneis

Überall em Ländle gabs a Gartaschau
Heilbronn, Remstal ond bei deim Nachbar au
En Schwäbisch Gmünd gabs wega fehlende Kleider
en Einhorn Skandal – wer war da d’r Schneider

Au Musikalisch gings om Klamodda
Outfits Aftrotrap s’klingt wie a Robodda
Old Town Road war d’r Mega Hit
ond Fortnite Zwoi spielet elle uff Twitch

Game of Thrones Finale elles hot brannt
wie beim Notre-Dame, Dracarys Gott verdammt
Manche Kinder hoißet jetzt sogar Khaleesie
wie des Katza ond Durchfall Virus Calici

D’r Vaihinger Getränkehändler (Hans Peter) Kaschtner [Landesschau Beitrag]
hot gnug g’hett von Dosa ond Plaschtik Flascha
Lokal ond Mehrweg isch d’r richtige Weg fai
da druff trink I oin ond mach d’r Weg frei

Beim VVS da gabs a kloine Wende
bloß noh Kreise… Koine Segmente
bis 40% sparsch doh als Pendler
100 % sparsch nur als Fußgänger

aber Vorsicht da hosch jetzt einbußa
Wege E-Scooter Boom ond Lime Juicer
damit kommsch zwar ans Ziel ratzi fatzi
ond dann merksch des isch ja teurer als a Taxi

Für d’r Uwe Hück ond Christoph Sonntag
wars ned so luschtig, wie a Montag
Skandale… Uwe hot sei Strafe kriegt
Woisch… Der isch jetzt end’r Politik

, Was jetzt kommt des isch echt zu hart
Hakakreuze em schwarzwälder Freizeitpark
Beim Adlerflug gabs a riesa Schlamperei
oder? weil so bleed, kannsch ned sei!

Trigema isch 100 Johr g’worda ond genau
so schaut die Mode au bissl aus
Ey Wolfgang, Du bisch echt a cooler Typ
aber Style technisch isch Luft nach oba a ganzes Stück

Ala Turka isch d’r beschde Döner em Land
voraussetzung isch du kommsch da mol dran
I stand da au scho amol en d’r Schlang
ond genau deswäga ben I jetzt so schlank

Was hen d’r Dieter Zetsche ond all die
Fanta Vier Rapper gemeinsam: ha Aldi
Gahts om Kohle ja die Jongs blickets
verkaufet im Discounter Stadiontickets

Jetzt hebet mol elle d’Hände hoch
Ina Aogo semmer endlich los
die nächschte Plag staht leider scho bereit
die Quagga Muschel macht sich am Bodasee breit

Stassie Baby – hot für’s Ländle
Schleichwerbung gmacht so represent he
Des Instagram Model hot em a Post
sexy Vorma Bada Württaberg Sticker post

D’r Janis Gentner isch em Fliesa lega
Weltmeischter gworda des kann koiner wieder lega
so wie der, hosch den verstanda?
Grüß ganget naus nach Aala Dewangen

Beim VfB I fass des mal kurz zamma
da isch oifach’s W-Lan ned ganga
wahrscheinlich sen die au bei Unity Media
so wie I – wie’s weitergaht – seh mr ja

d’r Klinsi isch jetzt bei Hertha da drüba
I han dacht sei Herz schlägt für d’r Süda
kannsch ned verübla wenn I als Fan sauer werd
Wo wohnt der jetzt au am Prenzlauerberg?

weil Mietpreise en Stuttgart kannsch echt ned bringa
vielleicht zieh I nach Leinfelda Echterdinga
uff neua Wohnraum musch häufig warte
ond Opernsanierung koscht oi Millarde

Wege Diesel ond Fahrverbot gabs wieder Streit
Neba Fridays for future ond Klimastreik
Greta Thunberg wollt em Trump d’r Arsch versohla
Politiker hen nämlich Ihre Kindheit g’stohla

Grüne Revolution gaht nämlich so
Nimmsch a G-Klass mit 1000 PS Elektromotor
damit machsch dann elles em Erdboda gleich
Genau so wie d’r Abraham d’r Streich… ha