Category:

Dahanna gibts zom Song “D’r schwäbische Nelly” noh a bissle Zusatzinfos. Wie isch des entstanda? Wer hot da mitgmacht? Wo hemmer des Video dazu dräht!

Die Idee

Uff die Idee ben I komma als I den Song von Bushido g’hört han bei 2:19 sagt der zom Kay One: Dachtescht Du im ernscht Du bisch der schwäbische Nelly?

Also han I überlegt wie wär wohl d’r schwäbische Nelly überhaupt?!

Vielleicht muss m’r noh saga wer d’r Nelly überhaupt isch:

Der hot so Songs g’macht wie Country Grammar, Hot en here, Hey Porsche ovw.

Also han I en Texscht gschrieba wie I d’r schwäbische Nelly ben der mitm 190er en Stuttgart abhängt.

Als des fertig war han I d’r Dodokay g’fragt ob der mitmacht ond der war dabei. Des hot d’r Song nommel abgrundet.

S’Video

Des Video isch uff’m Züblin Parkaus mitta en Stuttgart dräht worda.

Kamera: Dominik Apanowicz
Regie und Schnitt: Krystof Zlatnik

Video Crew: Meine beschde Kumpels onder anderm au DJ Toni Disco!

Während dem Dreh isch dann plötzlich mei Mercedes 190 überhitzt ond die Dampfwolke em Video kommt vom Kühler…